IOLEE, UN ENFOKE DI SIÑAMENTU SOSIAL KUÁNTIKO

Un Idioma Bibu ku ta Gia na un Mundu Henter ku ta Floria!

Afrikaans   English   Español   Italiano   Nederlands   Papiamentu   ​Português

---

E Proseso IOLEE - Siñamentu Sosial Kuántiko - di 2 dia / 9-siman

Bida a desaroyá di tal manera den e sosiedat aktual ku ta eksistí un gran preshon pa logra éksito. No tin lugá pa sinti, komprondé i prosesá heful- i emoshonnan, ku nos ta eksperensiá segun nos bida ta desaroyá. E nesesidat pa krese, ta habri kaminda pa konsientemente sinti i prosesá lo ke ta yega nos di paden i djafó.  Enfoke di IOLEE, Inside Out Learning Experience Ecosystem, ta riba siñamentu sosial kuántiko (quantum social learning òf QSL) ku ta duna apoyo den e proseso di desaroyo di bo mes, riba tur nivel i for di paden.  Nos ke invitá bo pa partisipá na un proseso di nuebe siman den kua bo por siña:

• kon pa bo ta konsiente di bo nesesidatnan (interno)
• kon pa verifika na unda i kiko bo ta sinti (heful i sensashonnan)
• rekonosé i resolvé patronchi bieu di emoshon i di sinti bo wantá
• kultivá un standart nobo di:
  • resiliensia
  • bienestar
  • desaroyo personal i sosial
  • siñamentu kompartí
• ​kon bo por satisfasé bo nesesidatnan (interno) for di un lugá di presensia, klaridat i resolushón.

E ophetivo di e estudio refleksivo aki ta pa bo por tin akseso na bo potensial interno nò eksplora, pa bo deskubrí i sostené nivelnan nobo di sinti bo liber, i biba un bida relatando na tur hende i tur kos for di un sintí di independensia i harmonía. Nos ta invita bo pa kompartí lo ke bo a siña ora e nesesidat surgi, imaginando un kultura global di resiliensia, bienestar i felisidat sosial.

Pa registrá, tuma kontakto ku nos na: admission@iolee.life 

REGISTRÁ

Testimonio

Mi Eksperensha ku IOLEE!

“M’a sinti blokeo manera tenshon i preshon den área di mi stoma, den e parti abou di mi lomba, den mi skouder i nèk, den mi kak, lenga i den mi garganta tambe, preshon den mi pechu, doló di kabes i eksema riba mi kueru.  Esakinan ta djis algun di e hopi síntomanan, despues di un resien infekshon viral. Pa medio di IOLEE mi a siña un proseso simpel a base di kua mi por a tene espasio pa dekodifiká, risibí, sinti i pone e hefulnan riba mapa ku a hasi mi sinti blòkiá. Komo parti di e proseso, mi mèntòr a yuda mi identifiká i deskribí ki sensashon (mi tabata yama nan keho) ta ekspresá den partinan di mi kurpa.  M’a siña “lesa” lenguahe di mi hefulnan basá riba ekspreshonnan den mi kurpa. Asina mi por a tradusí sensashonnan spesífiko den heful i reakshonnan relashoná ku temanan den e mundu real.  Inmediatamente, ora di rekonosé e patronchi, rekuerdonan doloroso relashoná ku situashon o impreshonnan di pasado tabata paresé sin esfuerso, i ta uni ku e eksperensia. Esaki tabata permití mi pa nabegá den mi kurpa; pa asina mi habri mi mes pa e posibilidat di risibí kualke kos ku ke wòrdu sintí, manteniendo espasio pa e eksperensia doloroso ku ainda mi nò a duna pèrmit pa wòrdu risibí. Después di a prosesá kada eksperensia, ekspanshon, pas i trankilidat tabata bini bèk di nobo. Esaki tabata produsí un sensashon di "tur kos ta bon!". E ta sinti manera m’a bolbe bini bèk den mi mes”.

 Richard J. di Huland

IOLEE, un enfoke riba siñamentu sosial kuántiko (quantum social learning òf QSL), ta usa e teoría kuántiko pa deskribi loke un hende ta opservá ora e bai den su mes pa eksplorá su ekperensia suphetivo i ophetivo.   

Antesedente

Den sosiedat aktual bida a desaroyá di tal manera ku ta eksistí un gran preshon pa logra éksito. E enfoke akí ta riba e balor material i no riba sinti, komprondé i prosesá heful i emoshonnan, ku nos ta eksperensiá durante nos bida. Esaki ta reflehá partikularmente den e estado mental di personanan, ku ta sinti nan mes stanká.  E nesesidat pa krese, ta habri kaminda pa konsientemente sinti i prosesá lo ke ta yega nos di paden i djafó.  Esaki por yuda e proseso di desaroyo di bo mes riba kualke nivel, for di paden.  IOLEE, Inside Out Learning Experience Ecosystem, ta ofresé un marko inovativo ku enfoke riba siñamentu sosial kuántiko (quantum social learning òf QSL), un método i práktika di siñamentu den akshon, desaroyá durante más ku 20 aña pa un ekipo di eksperto. Den e kuadro di QSL, ta usa e teoría kuántiko pa deskribí kon mekanismo, efekto i kalidatnan ku no parse konektá ku otro, tá en bèrdat konektá i kon nos por opservá esaki ora di eksplorá e eksperensianan suphetivo i ophetivo. 

E mundu djafó ta kondisioná pa nos prosesá heful i emoshion

Siñamentu Aktivo

A base di IOLEE, nos ta guia bo den un proseso di siñamentu aktivo, ko-kreando e ambiente den kua bo ta siña rekonosé patronchinan rígido ku ta ripiti. Lo bo siña pa habri bo mes pa mira i sinti núkleo di bo eksperensia i e stankamentu. Pa fasilitá esaki, IOLEE ta husa introspekshon, autoreflekshon i skucha pa eksplorá e heful i sensashonnan ku bo ta sinti den bo kurpa.  Segun bo vokabulario di palabra i símbolo relashoná ku e lo kual bo ta sinti oumenta, lo bo por rekonosé e patronchi, i orígen di e patrochi i bo malestar. Ora bo tene bo mes habrí, olanan di heful ta subi bin ariba pa anunsia disolushon di e patronchi(nan). Después di e resolushon, lo bo eksperensiá pas, klaridat, sinkronisidat i autentisidat.​

E Proseso

Nuebe siman largu un mèntòr lo mustra bo kon pa verifiká serka bo mes, desaroyá abilidatnan di lenguahe ku un orientashón pa deskribí lo ke bo ta eksperiensiá djaden, lagando bo intuishón rekonosé i fasilita e resolushon di patronchi di hefùlnan wantá, kultivando un standart nobo di resiliensia, bienestar i desaroyo personal i sosial.  Na medida ku e proseso ta avansá, e ta konvertí den un eksperensia di siñamentu ko-kreativo, ku ta yuda nos pa hasi visibel i resolvé patronchinan inkonsiente ku di otro manera lo ta un trastorno pa e forma ku nos ta relashoná ku otro interpersonalmente. Komo resultado nos ta konfia konsiente den un konekshon profundo ku nos ta sinti ku ta garantisá ku por resolvé problemanan personal i sosial di un manera fleksibel.  E ophetivo di e estudio refleksivo aki semper lo ta pa deskubrí i sostené nivelnan nobo di sinti bo liber i biba un bida relatando na tur hende i tur kos for di un sintí di independensia i harmonía. Imaginá bo ku bo por sinti bo habrí pa komuniká ku otro hende, nò for di patrochinan reaktivo, pero for di transparensia i un konekshon mutuamente sintí. 

REGISTRÁ

APLIKASHONNAN DI IOLEE

Kon nos por asisti bo?

• Den mentoreo personal ta yuda bo pa krese na nivel individual mas ayá di e normanan di trauma, konflikto i patronchinan di reaktividat, pa medio di un proseso simpel ku ta utilisá un marko di siñamentu lingwístiko pa modelá kon pensamentu, heful i sensashonnan den kurpa ta afektá bo realidat, inkluyendo bo ekilibrio, bienestar, i interakshon sosial.
• Ora di traha ku grupo, nos ta gía den introspekshon den grupo/sosial, hasiendo visibel e prosesonan humano inkonsiente ku kolektivamente ta impaktá e forma i grado den kua organisashonnan òf komunidatnan por alkansá nan ophetivonan.
• Den un proseso di desaroyo profeshonal, nos ta gía bo pa bo desaroyá e konsiensia, konosementu, i abilidatnan pa gía alumno/studiante/mayornan den nan proseso di kresementu, individual i den grupo.
• Komo konsultante, nos lo yuda bo pa (re)diseñá bo proseso edukativo, disidí kon i na ki momento ofresé desaroyo profeshonal i, na lugá di akreditá, ko-evaluá kontinuamente kon bo organisashon ta evolushonando.
• Ora di diseñá prosesonan edukashonal, e kuadro, método di siñamentu aktivo i práktika di IOLEE por worde inkorporá den e proseso di siñamentu general òf komo parti di strategianan di siñamentu sosio-emoshonal SSE (social emotional learning òf SEL) i strategianan di enseñansa di rekuperashon den bo institushon(nan) edukativo. Si SSE ta enfoká riba "interakshon" di un alumno/studiante ku e entorno sosial, IOLEE ta enfoká riba desaroyo di abilidatnan lingwístiko relashoná ku e kapasidat pa deskribí kon nos interakshonan sosial den realidat ta originá i subi di paden (referí komo: intra-akshon). E integrashon di lo ke ta suphetivo i lo ke ta ophetivo ta trese e ekilibrio bèk entre e banda programátiko den edukashon i bida di e alumno/studiante ku ta desaroyá durante e proseso di siñamentu. 
• Den akademia, i spesialmente den e konteksto di siensia sosial kuántiko (quantum social science) (1) (2), komo investigador akadémiko, bo por partisipá den e estudio empíriko di diferente aspekto di eksperensia, inkluso mente, kognishon, afekto, atenshon (konvergente i divergente), konsiensia (kampo di probabilidat), presensia i e ròl dje marko lingwístiko di IOLEE den e integrashon di tur e aspektonan menshoná anteriormente den servisio di e desaroyo sosioemoshonal. 
• Pa medio di e trabou aki nos ta desea kultivá un siñamentu social kuántico, komo un forma di siñamentu aktivo ku ta involukrá interosepshón e introspekshón (grupal), realisá paden i afó di aula òf luganan di trabou, lo ke por kondusí na un kultura global di koherensia, resiliensia, i bienestar individual i sosial!
  
  Esakinan ta djis un par di ehèmpel di kontekstonan den kua por apliká IOLEE pa stimulá evolushon di nos bida humano, individual i kolektivamente.

---

(1) Wendt, A. (2018). The mind–body problem and social science: Motivating a quantum social theory. Journal for The Theory of Social Behaviour, 48, 188-204. Read the article...
(2) Quantum social science. Último acceso el 2 de junio, 2022. https://en.wikipedia.org/wiki/Quantum_social_science 

Yama nos pa reservá bo afsprak, pa nos por yuda bo deskubrí e klave pa transformá riba e nivel personal i di bo komunidat, di paden bai afó!

+1 (609) 791-9779  |  info@iolee.life